Urtero legez, datorren martitzenean, abenduaren 24an, Getxoko Gabonetako X. Itsas Lasterketa egingo dute Algortako Ereaga hondartzaren eta Portu Zaharraren artean. Lasterketa 300 metrokoa izango da, eta 16:30ean hasiko da.
Kategoria absolutuko eta beteranoetako (1969an eta aurreko urteetan jaiotakoak) igerilariak lehiatuko dira martitzenean, Getxo Igeriketa Bolue Kirol Elkarteak antolatuta. Sailkatutako lehen hiru pertsonentzako garaikurrak egongo dira, bai gizonezkoetan eta baita emakumezkoetan ere. Iaz 200 kirolari baino gehiago batu ziren proban.
Interesatuek lehiaketaren oinarri osoak kontsultatu eta izena eman dezakete www.getxoiw.com web orrian. Izen-ematea on-line egin ahal izango da barikura arte, hilak 20, 8 euroko prezio bakarrean, edo probaren egunean bertan, 15 euroko prezioan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
