Joan den barikutik, hilaren 13tik, hasita eta urtarrilaren 6ra arte, Getxoko Udalak bi orduz luzatuko du udalerriko ostalaritza-establezimenduen ixteko ordutegia, "Gabonetako jaiak direla-eta sektore horren jarduera ekonomikoari laguntzeko".
Hala, itxiera-ordutegia honako hau izango da:
- Barikuetan (abenduak 13, 20 eta 27 eta urtarrilak 3), zapatuetan (abenduak 14, 21 eta 28 eta urtarrilak 4) eta jai-bezperetan (abenduak 24 eta 31 eta urtarrilak 5) 1. taldeko lokalak (dastalekuak, txurro-dendak...) 02:30ak arte; 2. taldekoak (kafetegiak, tabernak …) 04:30ak arte; 3. taldekoak (pubak, klubak …) 06:00ak arte; eta 4. taldekoak 08:00ak arte.
- Aldi horretako gainerako egunetan, 1. taldekoak 01:00ak arte; 2. taldekoak 03: 00ak arte; 3. taldekoak 04: 30ak arte; eta 4. taldekoak 06: 30ak arte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
