Aurten ere, bosgarren urtez jarraian, Getxoko Udalak Romo herri-ikastetxeko jolastokia zabalduko du aparkaleku publiko gisa erabiltzeko, salbuespen neurri gisa, abenduaren 24, 25 eta 31n eta urtarrilaren 1, 5 eta 6an.
Aparkatzeko ordutegia honako hau izango da: abenduaren 24ko 16:00etatik abenduaren 25eko 22:00ak arte. Ordutegi bera izango da abenduaren 31tik urtarrilaren 1era eta urtarrilaren 5etik 6ra.
Neurri horren bidez, Gobernu-taldeak (EAJ eta PSE-EE) oreka bilatu gura du ikastetxeko patioa aparkaleku gisa erabiltzearen eta haur eta gazteek oporraldian oso eskatua duten erabileraren artean; hau da, "ekipamendua erabiltzeko eskari guztiak asetzen saiatzen da, Gabonetako opor guztietan aparkaleku gisa hipotekatu gabe", arduradunen arabera.
Aparkaleku bezala erabiltzeko ordutegia amaituta, aipatutako jolastokitik atera ez diren autoak kenduko ditu garabiak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
