Hildako emakume baten gorpua aurkitu dute Arrigunaga hondartzan

Emakume baten gorpua erreskatatu zuten suhiltzaileek atzo, eguaztenean, Getxoko Arrigunaga hondartzan. Eusko Jaurlaritzako Segurtasun Sailak jakinarazi duenez, auzokide batek eman zuen aurkikuntzaren abisua.

Suhiltzaileek emakume baten hilotza erreskatatu zuten atzo Getxoko Arrigunaga hondartzan. Iturriek azaldutakoaren arabera, auzokide batek gorpua aurkitu zuen Galeako kai-muturraren inguruan eta horren abisua eman zuen 12:15ak aldera. Suhiltzaileak segituan bertaratu egin ziren eta, behin gorpua erreskatatuta, hura Institutu Anatomiko Forentsera eraman zuten.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun