Ispirit taldearen kontzertua bertan behera, Muxikebarrin izandako sutea dela eta

Kontzerturako sarrerak aurretik erosi dituztenei urtarrilaren 7tik bueltatuko zaie dirua. Salmenta telefonoz edo Kutxabank sarearen bitartez izan bada, automatikoki jasoko dute euren kontuetan. Kultur etxeren batean erosi dutenek, aldiz, bertara joan beharko dute dirua eskatzera.

Getxoko Kultur Etxeak bertan behera utzi du gaurko, hilaren 2rako, Muxikebarrin programatuta zegoen Ispirit taldearen gospel kontzertua, joan den abenduaren 31n gune horretan jazotako suteak kable elektrikoetan eragindako kalteak direla eta. Suhiltzaileak bertaratu egin behar izan ziren eta azkar itzali zuten sutea; orain, Udala sutearen eragina aztertzen ari da eta konponketa lanak daborduko hasi dituzte.

Kontzerturako sarrerak aurretik erosi dituztenei urtarrilaren 7tik bueltatuko zaie dirua. Salmenta telefonoz edo Kutxabank sarearen bitartez izan bada, automatikoki jasoko dute euren kontuetan. Kultur etxeren batean erosi dutenek, aldiz, bertara joan beharko dute dirua eskatzera.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun