Zirkulazioa etengo dute Portuko pasealekuan, Amann eta Algortako etorbidearen artean

Algortako Portuko pasealekuko saneamendu-kolektorea premiaz konpondu behar denez, datorren astelehenetik aurrera ibilgailuen zirkulazioa itxi egingo dute kale horren zati batean.

Saneamendu lanak eta bidearen zirkulazio-mozketa urtarrilaren 13tik 24ra izatea aurreikusi dute arduradunek. Hori dela eta, Amann, Enrique Aresti, Trenbide etorbidea eta Portuko pasealekurako sarbidea Dario Regoyoseko biribilgunetik bakarrik egin ahal izango da. Irteera Trenbide etorbidetik Avanzadara izango da (horretarako kale zati horren noranzkoa aldatuko da).

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun