Euskaraldia gehiago, gehiagorekin, gehiagotan lelopean, euskararen erabilera sustatzea helburu duen ariketa prestatzen hasteko, Bizarra Lepoan eta Egizu elkarteek berbaldi bat antolatu dute datorren otsailaren 8rako, zapatua, Romo Kultur Etxean.
Berbaldi horretan, Kike Amonarriz hizkuntzalariak hurrengo gaiak jorratuko ditu: herritarrek Euskaraldian modu aktiboan parte hartzeko bideak, herritarren partaidetza, auzoetako dinamikak iraultzen laguntzea, euskararen aktibazio soziala… Aldi berean, hizlariak datorren azaroaren 20tik abenduaren 4ra izango den Euskaraldiaren hurrengo edizioan aktibazio-prozesuan parte hartzeko deia egingo die pertsona interesatuei.
Solasaldia 11:30ean hasiko da eta amaitutakoan, mokadua izango da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!