Larrañazubiko Transfer birziklatze-gunean lanean zebilen 31 urteko getxoztar bat zauritu da gaur goizean, gidatzen ari zen traktorea irauli ondoren.
Istripua 09:45ean izan da eta aipatutako pertsona, Cespa garbiketa zerbitzuko langilea, Gurutzetako erietxera eraman dute hainbat haustura dituelako.
Getxoko Transfer birziklatze-gunea Larrañazubin dago, Bolueko hezegunearen ondoan. Iri-hondakinak tratatzeko instalazioa da hori, birziklagarriak diren elementuak banatu ondoren hondakinak zabortegira eramateko ardura duena.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!