Ekitaldian azken urte bietan 20-25 aldiz odola eman duten herriko 65 emaile omenduko dituzte, 9 emakume eta 56 gizon. "Ekintza honekin, zoriontzearekin batera, guztion esker ona jaso dezatela nahiko genuke, beraien lan isila eta solidarioagatik, hainbat egoeretan ezinbestekoa gaixotasunetan eta ebakuntza kirurgikoetan", azaldu dute elkarteko kideek.
Omenaldian Bihotz Handi elkartekoak, Bizkaiko elkarteko presidenteak eta Getxoko Udaleko bozeramaile batek parte hartuko dute; ondoren, Itxas Argia dantza-taldekoek Agurra dantzatuko dute, besteak beste. "Honekin publikoki eskertu nahi diegu emaileei eta animatu jarraitu dezaten orain arte moduan, eta ingurukoak erakartzen", antolatzaileek azaldu dutenez.