Eusko Jaurlaritzako Larrialdiei Aurre egiteko eta Meteorologiako Zuzendaritzak kostaldeko inpaktuagatik alerta laranja ezarri zuen atzo eta gaur artean. Gaurko goizaldea izan da unerik bortitzena, 04:00etatik 08:00etara; hala ere, alerta mantenduko dute 17:00etatik 20:00etara, baita bihar goizeko 05:00etatik 09:00etara ere.
18 metro inguruko hormatxoa apurtuta Ereaga pasealekuan, La Ola jatetxearen parean. Bide-zerbitzua prest marea jaitsi bezain laster lanak hasteko #Getxo pic.twitter.com/uEnlzuDaV8
— Getxoko Udala (@GetxoUdala) February 11, 2020
Aurrekoetan bezala, Getxoko Udalak SMS mezuak bidali dizkie arrisku guneetako (Kirol Portua, Ereagako hondartza eta Portu Zaharra) merkatariei eta ostalariei, eta kartelak jarri ditu, alertaren eta jarraitu beharreko gomendioen berri emateko.
Arrisku guneetarako bidea zainduta egongo da etengabe alertak irauten duen bitartean (itsasgoren aurreko eta ondorengo orduotan). Hala, oinezkoentzat itxiko da Pedro Bilbao estatuatik Portu Zaharrera hondartzara doan bidea, baita Arriluzetik itsasargiraino doan pasealekua ere. Era berean, Udalak gogoratu du alertak irauten duen bitartean hondartzetara sartzea debekatuta egongo dela.
Bide-zerbitzuak olatuek erasandako Ereaga eremua garbitzeko lanean / Servicio de vialidad trabajando en la limpieza de la zona de Ereaga afectada por el oleaje #Getxo pic.twitter.com/EHzkgagsfV
— Getxoko Udala (@GetxoUdala) February 11, 2020
Larrialdiren bat izatekotan honako telefono zenbaki hauetara deitu behar da: 94 466 02 02 (Udaltzaingoa) eta 112 (SOS DEIAK). Iragarpenen gaurkotzeak eta iragarpenak Euskalmeten (http://www.euskalmet.net) bitartez segitzea gomendatzen eta kasu hauetan, bereziki Twitter(@Euskalmet)en bidez.