El Pacto taldeak kontzertua eskainiko du zapatuan, hilaren 15ean, Areetako Andres Isasi musika eskolan, Neguko Bidaia zikloaren barruan. Emanaldia 19:30ean hasiko da, eta sarreraren prezioa 5 eurokoa izango da; 3 euro eskolako ikasleentzat.
El Pacto 2012an sortutako musika taldea da, Castro Urdiales eta Bizkaia artean. Horretan zenbait kidek parte hartu duten arren, gaur egun bere sortzaileetako bik baino ez dute jarraitzen: Mario Marrodán (ahotsa) eta Juan Carlos Gómez (bateria); eurakaz batera Alberto Eguía (teklatuak), Ramon Escobar (gitarra) eta Gontzal Alonso (baxua) musikariek osatzen dute taldea.
70, 80 eta 90eko hamarkadetako rockaren klasikoen errepertorio bat interpretatuko dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!