El Pacto taldearen rocka Neguko Bidaiara iritsiko da

El Pacto taldeak kontzertua eskainiko du zapatuan, hilaren 15ean, Areetako Andres Isasi musika eskolan, Neguko Bidaia zikloaren barruan. Emanaldia 19:30ean hasiko da, eta sarreraren prezioa 5 eurokoa izango da; 3 euro eskolako ikasleentzat.

El Pacto 2012an sortutako musika taldea da, Castro Urdiales eta Bizkaia artean. Horretan zenbait kidek parte hartu duten arren, gaur egun bere sortzaileetako bik baino ez dute jarraitzen: Mario Marrodán (ahotsa) eta Juan Carlos Gómez (bateria); eurakaz batera Alberto Eguía (teklatuak), Ramon Escobar (gitarra) eta Gontzal Alonso (baxua) musikariek osatzen dute taldea.

70, 80 eta 90eko hamarkadetako rockaren klasikoen errepertorio bat interpretatuko dute.