Hilaren 24an hasiko dira argiteria publikoaren sare elektrikoa konpontzen Algortako etorbidean, Getxoko Udalak jakinarazi duenez. Lanek gutxi gorabehera aste bi iraungo dutela iragarri dute. Denbora-bitarte horretan, ibilgailuen zein oinezkoen trafikoa etengo dute lantzean behin.
Lanak, zehazki, Portuko Pasealekuaren eta Leioa Etorbidearen arteko zatian egingo dira. Udalak iragarri duenez, zirkulazioari eragingo zaio tarte horretako garajeei dagokienez, eta oinezkoen joan-etorriak ere etengo dira momentu batzuetan, lanek eragindako espaloi-zatian.
Aldaketak behar bezala adieraziko direla esan du Udalak, eta barkamena eskatu du sor daitezkeen eragozpenengatik.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!