Ertzaintzak 15 urteko gazte bat atxilotu zuen atzo Getxon, indarkeria erabilita 75 urteko emakume bati egindako ustezko lapurreta-delitua leporatuz. Atzo atxilotu bazuten ere, otsailaren 21ean gertatu zen delitua, Areetako Kale Nagusian.
Egun hartan gaztea emakumearengana hurbildu eta metroa non zegoen galdetu zion, emakumeak azaldu eta ostean aurrera jarraitu zuen. Gaztea atzetik hurbildu eta andrearen poltsa osten saiatu zen. Emakumezkoak aurka egiten ziola ikusita, hura bultzatu eta lurrera bota zuen gazteak. Hori dela eta, emakumea Urdulizko ospitalera eroan zuten, aldaka hautsita.
Ertzaintzak gaztea identifikatu du eta orain adin txikiko fiskaltzaren esku geratu da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!