Zinegoak Jaialdia Getxoko ludotekara, RKEra eta gaztelekuetara iritsi da

Erredakzioa 2020ko mar. 12a, 10:07

Hegoak elkarteak antolatutako Zinegoak Nazioarteko Jaialdia Getxora itzuliko da beste urte batez. Oraingoan ere, ume eta nerabeentzat egokitutako edukiak sartuko dira jaialdiak emango dituen lanetan. Hala, aurten ere, gazteleku bietan hainbat emanaldi eskainiko dira, baita ipuin kontalari baten saioa ere, Kukupraka ludotekan. Gainera, emanaldi irekia Romo Kultur Etxera eramango da.

Kukupraka ludoteka

Martxoaren 17an, martitzenean, 18:00etatik 19:00etara, ipuin kontalari saio bat izango da. Bertan, 7 eta 9 urte bitarteko bazkideek bakarrik parte hartu ahal izango dute.

Romo Kultur Etxea

Martxoaren 19an, eguenean, 19:00etatik 20:30era, film labur hauek emango dira: XY (Islandia, 15’), Cocodrilo (Espainia, 4’), AD LIB (Euskadi, 7’), Jess (Costa Rica, Espainia eta Txekiar Errepublika, 10’), Rani (Pakistan, 14’) eta La Mariachi (Mexiko, 8’). Adin guztientzat.

GauEgun gaztelekua (Algorta)

Martxoaren 20an, barikuan, 18:00etatik 19:00etara, honako film hauek emango dira: Mi Pequeño Gran Samuraí (Euskadi, 21’), XY (Islandia, 15’), Cocodrilo (Espainia, 4’), Dejarse crecer el cuerpo (Mexiko, 4’) eta AD LIB (Euskadi, 7’).

GureGune gaztelekua (Itzubaltzeta/Romo)

Martxoaren 22an, domekan, 18:00etatik 19:00etara, GauEgun gaztelekuan eskainitako film berberak emango dira. Soilik 11 eta 17 urte bitartekoentzat.

Kultura Getxo

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun