Getxoko EH Bilduk mapa bat osatu du udalerriko auzo ezberdinetan zabalik dauden komertzioak identifikatzeko. Bertan, askotariko establezimenduak topa daitezke, hala nola elikadura-dendak, albaitaritza zerbitzuak eta informatikakoak; horrez gainera, horien telefono eta ordutegiak zehaztu dituzte.
Koalizio abertzaleak azaldu dutenez, euren helburua da herritarrek jakin dezatela euren auzo eta inguruan zeintzuk diren zabalik dauden dendari txikiak, supermerkatuez harago. "Beharrezkoa baita gure babesa adieraztea komertzio txikiei, osasun-krisiaren aurretik, krisia iraun bitartean, eta krisia pasa ostean ere bai".
Mapa uneoro alda daiteke, eta, beraz, eguneratzen joango dira komertzio berriak gehituz. Momentuz, 70tik gora batu dituzte.