Joan den barikuan, hilaren 3an, topatu zuten gizonezko baten gorpua Algortako Portu Zaharreko uretan; hilotzak ez zuen inolako kriminalitate-zantzurik, polizia-iturrien arabera.
Eusko Jaurlaritzako Segurtasun Sailak jakinarazi duenez, martxoaren 14tik desagertuta zegoen bilbotarra da Algortako Portu Zaharreko uretan hilik aurkitutakoa. Joan den barikuan, apirilaren 3an, aurkitu zuten hilotza. Atzo, aldiz, hilotza aztertu eta ikerketa amaitu ondoren, baieztatu ahal izan dute gorpua desagertutako Bilboko gizonarena dela.
Polizia-iturriek zehaztu dutenaren arabera, hilotzak ez zuen kriminalitate-zantzurik; hala, hipotesi nagusia da istripuzko heriotza izan zela.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
_tokikom_735x413.jpg)