Urteko lehen hiruhilekoan 168.531 euro banatu ditu Getxoko Udalak, 245 laguntzatan

Eusko Jaurlaritzak Getxoko Udalari 478.398 euro gehiago ematea onartu du Gizarte Larrialditarako Laguntzen artean banatzeko, COVID-19aren krisiak eragingo duen eskaeren hazkundeari aurre egiteko. Diru-kopuru hori gehituko da urtearen hasieran emandako 68.705 euroko zenbatekoari. Edozein kasutan, behar izanez gero, Udalak adierazi du bere fondoetatik ipiniko duela urtean zehar eskatutako GLL guztiei erantzuna eman ahal izateko.

Aldizkakoak ez diren laguntza horiek Eusko Jaurlaritzaren konturako prestazioak dira eta Udal Gizarte Zerbitzuek bideratu, gestionatu eta ordainketak gauzatzen dituzte, gastu arrunt eta ezohikoei aurre egiteko baliabide nahikorik ez duten pertsonentzat, gizarte-bazterkeriako egoerak prebenitzeko edo saiheste aldera.

Urteko lehen hiruhilekoan Udalak 168.531 euro banatu ditu, 92 familia unitateri emandako 245 laguntzaren artean. Horietatik 70 GLL etxebizitzaren mantentze gastuetarako izan dira, beste 69  energia gastuetarako, 48 oinarrizko beharretarako eta 38 alokairu eta ostaturako. Gainontzekoak instalakuntzetarako eta konponketetarako, elektrotresneria erosteko eta zorpetzeari aurre egiteko izan dira.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun