Enbataren eraginez, pertsona bat zauritu zen atzo adar baten erorketak jo ondoren. Ezbeharra 21:24ak aldera jazo zen; ondorioz, 59 urteko gizonezkoa Urdulizko ospitalera eraman behar izan zuten, besoa hautsita.
Bestalde, Getxoko Udaltzaingoak ohartarazpen-lanak egin zituen atzo iluntzean, hondartzetan zeuden pertsonek arreta-neurriak har zitzaten. 21:10ean egiaztatu zuten paddel-surfa egiten ari ziren bi pertsona larri zeudela, Portu Zaharretik gertu, baina azkenean euren kabuz irtetea lortu zuten.
Azkenik, 9:00etatik 9:40era, bi baldosa eta aldamio bateko materiala erori ziren, eta hainbat edukiontzi irauli ziren Sarrikobaso, Alango eta Antiguo Golf kaleetan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!