Errege Kopa irabazi zueneko mendeurrena oroituko du Arenas futbol-klubak

Arenas futbol-klubak iragarri duenez, datorren astelehenean, maiatzaren 18an, El Corazón Sensible del Fútbol dokumentala estreinatuko du YouTubeko bere kanalean, 12:00etan. 1919ko maiatzaren 18an irabazitako Errege Koparen mendeurrena ospatu guran, garaipen hori gogorarazteko ikus-entzunezkoa da hori.

Arenas futbol-klubak azaldu duenez, maiatzaren 18an 101 urte beteko dira taldeak Errege Kopa irabazi zuenetik. Hala, mendeurren horri lotuta antolatuko dituzten ekitaldietako bat izango da datorren astelehenean argitaratuko duten El Corazón Sensible del Fútbol dokumentala. Azpimarratu dutenez, orain arte argitaratu gabeko irudiak eta datuak biltzen dituen lana da hori eta, hasiera batean Muxikebarrin proiektatzekoa zen arren, YouTuben egingo dute publiko, COVID-19aren pandemia dela eta.

Dokumental horretan hainbat pertsonari egindako elkarrizketak ageri da, hala nola Amaia Agirre Getxoko alkatea,  Franqui Egusquiaguirre klubeko presidentea, Aitor Ramos taldeko egungo kapitaina, Juan Mari Velasco klubeko 1. bazkidea eta Ainara Unibaso bazkide eta zuzendaria.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun