Maiatzaren 15etik 31ra bitartean zabalik egongo da Andrés Isasi Musika Eskolan 2020-2021 ikasturterako izena emateko epea (behin betiko matrikulazioa eskolen ordutegiak baieztatzen direnean egingo da). Azaldu dutenez, aurrez aurre egin ahal izango da (izena emateko inprimakia Eskolako bulegoetan entregatuz, egoerak ahalbidetzen badu) edo online (udal webgunearen bidez).
Andrés Isasi Musika Eskolan izena emateko inprimaki eta informazio guztia:
- Areeta, Las Mercedes 6. Astelehenetik eguenera, 09:30etik 13:30era eta 16:00etatik 20:00etara; barikuetan 19:00ak arte. Telefonoa: 94 464 60 11.
- Algorta, Basagoiti Etorb. 77. Eguenetan 09:30etik 13:30era eta astelehenetik barikura 15:30etik 20:00etara. Telefonoa: 94 464 60 22.
- E-maila: aisasi@getxo.eus.
Bizi proiektua
Musika Eskolak bat egin du euskararen eta gaztelaniaren arteko elkarbizitzarako “Bizi” proiektuagaz. 2020-2021 ikasturtean Musika eta mugimenduko eta Musika-hizkuntzako 2. mailarainoko (4. modulua) ikasle guztiei zabalduko zaie. Horrela, ikasle horien irakasleek bi hizkuntzak konbinatuz emango dituzte eskolak. Bi hizkuntzetan ematen diren espezialitateak www.getxo.eus webgunean kontsulta daitezke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
