Adinekoen zentroetan jarduerak berriro martxan jartzeko dataren inguruan dagoen ziurgabetasuna dela eta, Getxoko Udalak jakinarazi du aztertzen ari dela gura duten pertsonek beren elkarteetako egoitzetara (Ibar Nagusien Etxea, AJANE eta Urte Alaiak) "modu kontrolatuan" konfinamendua arintzeko bigarren fasean sartzea ahalbidetzea, "osasun baldintzek hori baimentzen badute".
Azaldu dutenez, helburua izango da objektu eta tresna pertsonalak berreskuratu ahal izatea, horiekaz etxean jarduerekin jarraitu ahal izate aldera. Material horiek tailerretan erabiltzen dituzten elementuak dira (pintura, jostura, larrua, patchwork-a...).
Unea heltzen denean, Udalak behar diren osasun-babeseko eta kontrol neurriak eskainiko dizkie hiru elkarteei, kutsatzeko arriskua saihesteko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!