Koronabirusa Uribe Kostan

Ereaga inguruko errepidea moztuko du Udalak aste-akabuan, paseatu eta kirola egin ahal izateko

Ereaga hondartza inguruan ibilgailuen zirkulazioa etengo du aste-alkabuan Getxoko Udalak, Triangeluaren bidegurutzetik Portu Zaharrera, 19:00etatik 23:00etara. Hala, paseoan ibili edo kirola egin gura duten pertsonen gozamenerako behar izango diren eremuak zabaltzeko hartuko da.

Udaltzaingoak, egoera ikusita, inguruko egoiliarrei, Arriluzeko eta Kirol Portuko amarratzaileei eta baimendutako pertsonei pasatzeko baimena emango die. Era berean, beste ordutegi-tarte batzuetan gunea trafikoari ixtea komeni den aztertuko da, asteburuan sor daitekeen egoeraren arabera.

Asteburuan inguruko beste herri batzuetan bizi diren pertsonak udalerria bisitatuko dutela aurreikusten denez, Udalak paseatzen, bizikletan edo garraio publikoan ibiltzera animatzen ditu, betiere ibilgailu partikularrean iristea saihestuz. Nolanahi ere, agintariek ezarritako segurtasun-neurriak errespetatu beharko dira, oraindik ere indarrean baitaude pertsonen mugikortasuna mugatzen duten ordu-tarteak.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun