Pertsona bi ospitaleratu behar izan dituzte sute batean kea arnasteagatik

Erredakzioa 2020ko mai. 27a, 09:37
Artxiboko irudia.

Suhiltzaileek 59 urteko emakume bat erreskatatu dute bart, haren etxebizitzan isiotutako sutetik balkoian errefuxiatu ondoren. Emakumeagaz batera, bere kabuz etxetik irten ahal izan den 61 urteko gizonezko bat Gurutzetako ospitalera eraman dute sutean kea arnasteagatik, Eusko Jaurlaritzako Segurtasun Sailak jakitera eman duenez.

Gertakariak goizeko 05:10ak aldera izan dira, Areetako Eduardo Coste kaleko etxebizitza batean. Ertzaintza, suhiltzaileak, Udaltzaingoa eta anbulantzia bat bertaratu dira.

Sua bigarren solairuko etxebizitza bateko sukaldean piztu da eta ke ugari eragin du. Horren ondorioz, bertako bizilagunak etxetik atera behar izan dituzte.

Suhiltzaileek 06:50ean amaitu dituzte itzaltze lanak.

Jendartea Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun