Egizu eta Bizarra Lepoan euskara elkarteek, Getxoko Udalagaz elkarlanean, osatutako batzordeak sustatutako grabazioa konfinamenduaren aurretik egin zuten eta COVID-19ak egoeragatik, hurrengo egunotara atzeratu da zabaltzea eta baita entitateentzako izen-ematea irailaren 27ra arte luzatzea ere. Gogoratu, entitateek Ariguneakaz modu kolektiboan parte hartzeko aukera izango dutela edizio honetan, datorren azaroaren 20tik abenduaren 4ra. Irailean, norbanakoek ere izena eman ahal izango dute, Ahobizi, Belarriprest edo Irribizi gisa parte hartzeko.
Bestalde, udalerriko mota guztietako entitatetara (saltokiak, tabernak, denda txikiak, kirol eta kultura elkartea, enpresak, instituzioak, kooperatibak…) 2.600 bat gutun bidaliko dira, ekimenaren berri azaltzeko eta ekainaren 8tik aurrera bisita jasoko dute, Euskaraldian parte hartzeko erari buruzko zalantzak argitzeko.
Bideoan, Getxon Euskaraldian izena emateko prest dauden 15 entitate hauek agertzen dira:
- Kalaka Delicatesen denda (Algorta)
- Letamendia Hortz Klinika (Getxo)
- Gizatiar Emakume Elkarte Soziokultura (Areeta, Romo)
- Harri Taberna (Getxo)
- Billabong (Algorta)
- Eskubeltz Eskaut Taldea (Algorta)
- Itxas Argia Elkartea (Getxo)
- Egunkariak (Algorta)
- CEIP Zubileta HLHI (Algorta)
- Ibaigane Arrandegia (Areeta)
- Arenas Club (Romo)
- In Komunikazioa (Areeta)
- Estudio K (Algorta)
- Hotel Artaza (Neguri)
- Txatxalin Guraso Elkartea (Neguri)
Eta zuk, Euskaraldian parte hartu nahi duzu? Eman izena hemen.