"Getxophotoren ediziorik partizipatibo eta digitalenean, gure programazioaren barne hartu nahi ditugu sare sozialak menperatuta dauzkan fenomeno bisuala: aurpegirako Instagram Storietarako filtroak. Horregatik galdetu nahi dizugu: zein da zure kalera bueltatzeko filtroa?", diote Getxophotoren antolatzaileek. Abiapuntu horregaz, 400 euroko saria izango duen lehiaketa egingo dute.
Halako iragazki bat sortuta duen edonork lehiaketara bidal dezake, edo beren-beregi sor dezake parte hartzeko. Epea uztailearen 31ra bitartekoa izango da, eta sari bakarra 400 eurokoa, epaimahaiaren ustez sormenaren aldetik nabarmentzen den lanaren egilearentzat. Epaimahaiaren hiru kideak aurtengo Getxophotoren komisarioa, Jon Uriarte; Paula Gómez Getxophotoko kidea; eta Guillermo Royo Noiz Agendako kidea izango dira. Hain zuzen, Noiz agendagaz elkarlanean ipini dute martxan lehiaketa.
Izen-ematea doakoa da, eta iragazkiak sortzeko Spark AR Studio tresna erabili beharra dago. Lehiaketaren oinarri eta arau denak Getxophotoren webguneko atal honetan ikus daitezke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
