Euskaraldiaren antolaketa lanetan jarraitzeko eta Getxoko entitateen izen-emate kanpainan laguntzeko, Getxoko Euskaraldiak Itzubaltzeta/Romo eta Areeta inguruko lagunentzako bilera eta prestakuntza saio irekia egingo du ekainaren 24an, eguaztenean, Santa Eugenia plazan. Arrastiko 18:00etan jarri dute hitzordua.
"Berezitasun adierazgarri bat izango du aurtengo Euskaraldiak: ariketa kolektiboki egiteko aukera. Norbanakoez gain, entitateek ere parte hartuko dute, hau da, plano pertsonal batetik plano kolektibora salto egingo dugu", azaldu dute Euskaraldiako antolatzaileek. Getxon, entitateen izen-ematea irekita dago daborduko, irailaren 27ra arte.
Euskaraldia Lagunen lantalderen batean ez daudenek eta eguazteneko bilera irekian, zein Euskaraldiaren antolaketan parte hartu gura dutenek, mezu bat bidal dezakete hurrengo emailera euskaraldiagetxon@gmail.com edo 688 65 30 42 telefonoaren Whatsapp-era idatzita.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
