Arratoiak hiltzeko aurtengo bigarren kanpaina abiatu dute Getxon

CC BY SA-Edal Anton Lefterov

Arratoiak hiltzeko urteko bigarren kanpaina trinkoa abiatu du Getxoko Udaleko Ingurumen Arloak, hilaren 17ra arte iraungo duena. Urtero hiru kanpaina trinko egiten dira, guztira.

Aurrez aurreko tratamendu da, trinkoa, orokorra eta aldi berekoa, eta honako egun hauetan eta Getxoko honako toki hauetan egingo da:

  • Hilak 6: Areeta aldea.
  • Hilak 7: Romo-Zugazarte aldea.
  • Hilak 8: Neguriko goiko aldea (metroko trenbidetik Ereaga hondartzaraino).
  • Hilak 9: Neguriko beheko aldea (metroko trenbidetik Gobela ibairaino).
  • Hilak 10: Arrigunaga eta inguruak.
  • Hilak 13: Algortako goiko aldea.
  • Hilak 14: Bidezabal-Ollarretxe gunea.
  • Hilak 15: Algortako beheko aldea.
  • Hilak 16 eta 17: Andra Mari auzoa.

Animalia horiek hobeto kontrolatzeko eta tratamendua guztiz eraginkorra izan dadin, Udalak herritarren laguntza eskatu du honako jarraibide hauei jarraituz: "ez elikatu kaleko animaliak (katuak, hegaztiak …), ez utzi janari arrastorik bide publikoan, erabili paperontziak eta bota zaborrak 20:00etatik 22:00etara".

Era berean, tratamendu horiek saneamendu-sareak, hustubide eta kanalizazio elektrikoetan egiten direnez gero, jabe-erkidego pribatuei gomendatzen zaie beren lorategietako eta barruko edo komunitateko patioetako arratoiak hiltzeko mantentze-zerbitzuak kontratatuta edukitzea, tratamenduak ere eraginkorragoak izan daitezen.

Azkenik, Udalak azaldu du lanotarako erabiltzen diren produktuak horrelako tratamenduetarako baimendutakoak direla eta inoiz ez direla pertsonak edo animaliak hel daitezkeen lekuetan jartzen, pozoitzea eragozteko

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun