"Kulturak elkartzeko" helburuagaz, Martiartura eta Santa Koloma ermitara irteera egingo dute domekan

Bizilagunak Mendira ekimenak antolatuta, txangoa egingo dute datorren domekan, hilak 19. Ekimena Bizilagunak proiektuaren barruan dago, eta Getxoko Udalaren, Getxoko Etorkinen Plataforma Federazioaren eta Egizu elkartearen arteko lanaren fruitua da. "Pertsonen artean, eta euskal kulturaren eta udalerrian dauden kultur ugarien artean zubiak eraikitzea" du helburu.

Txangoa Fadura alboan dagoen autobus-geltokian hasiko da, 09:00etan, eta Martiartura eta Santa Koloma ermitara ailegatuko da. Doakoa da, baina izena eman beharra dago parte hartzeko, honako lotura honetan. Mendian ibiltzeko zapata erosoak, hamaiketakoa, ura eta eguzkitako krema eroan behar dira.

"Kulturak elkartzea eta ospatzeko guneak sortzea eta baita bizikidetza hobetzea, partaidetza sustatzea, diskriminazioa prebenitzea eta aniztasuna bultzatzea ere dira Bizilagunak Mendira ekimenaren helburuak", azaldu du Getxoko Udalak. Domekan, ibiltzeaz gain, munduko hainbat lekutako mito eta kondairak (Euskal Herrikoak eta atzerrikoak) partekatuko dituzte parte-hartzaileek, adierazi dutenez..

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun