Getxoko Herritarrak Artatzeko Bulegoak itxita egongo dira astelehenetik

Herritarrak Artatzeko Bulegoa, Algortan. © GETXOKO UDALA

Getxoko Udalak iragarri du datorren astelehenetik aurrera, hilak 20, itxita egongo direla Herritarrak Artatzeko Bulegoak (HAB). Arreta ematen segituko du aurretiko hitzordua eskatuta. Ez dute zehaztu noiz arte iraungo duen egoera horrek.

Hitzordua eskatzeko, 94 662 00 99 telefono-zenbakira deitu edo citaprevia.getxo.eus web orrian sartu beharra dago. Algortan (Torrene 3) eta Areetan (Mesedeetako kalea 13) daude HABak.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun