Zapatuan, uztailak 18, Getxoko Estropaden XLII. Ikurriña lortzeko lehiatuko dira emakumezkoen Euskotren Ligako eta Gizonezkoen Eusko Label Ligako traineruak. Algortako Portu Zaharraren aurrean egingo dira estropadak, eta antolatzaileek telebistaz ikusteko gomendatu dute. Bertan egotekotan, COVIDaren ondorioz ezarritako segurtasun-neurri guztiak bete beharra gogorarazi dute.
Lehenengo estropada emakumezkoena izango da, eta 17:40an hasiko da. Lau traineruk hartuko dute parte horretan. Ondoren, gizonezkoen hamabi traineru lehiatuko dira, Eusko Label Ligako proban. Estropadak 19:30ak aldera amaituko direla aurreikusi dute.
TKEk antolatu ditu probak, Getxo Arraunegaz eta Getxo Kirolalegaz batera. Biharko estropada "zero ikusleko" ekitaldi modura planteatu dute, eta horrenbestez telebistaz ikusteko gomendioa egin dute. Bertaratuko direnei, segurtasun- eta higiene-neurri guztiak betetzeko beharra gogorarazteaz gain, ahal den neurrian ibilgailu pribatuan ez joateko eskatu diete .
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
