Abuztuaren 2an egingo dute Getxoko Zirkuitua, osasun-segurtasunerako neurri eta guzti

CC BY SA-BIZKAINO

Getxoko txirrindularitza-lasterketa nagusiari 75. edizioa ezohiko kondizioetan egitea egokitu zaio. Antolatzaileak bertan behera uztekotan egon ziren, baina "aurrera egitea erabaki genuen, egoera zaila izan arren". lasterketak 177 kilometro izango ditu, eta Getxotik ez ezik, Leioa, Erandiotik, Loiutik eta Sondikatik ere igaroko da.        

Hemeretzi taldek hartuko dute parte Getxoko 75. Zirkuituan, eta horietatik bost World Tourreko mailakoak izango dira: Movistar team, NTT, Trek Segafredo, UAE Emirates eta Bahrain McLaren. Irteera neutralizatua 11:30ean egingo da Bizkai Zubiaren alboan, eta benetako irteera eta helmuga epaitegiaren aurrean egongo dira, Foruen kalean.

"Erakundeek agindutako osasun-neurriak beteko dira", Punta Galea Txirrindulari Elkarteko presidente Mikel Guinearen esanetan, " maskara erabiltzea, segurtasun-distantzia, eskuen garbiketa, etab." Bestalde, eta ohi den legez, Getxoko Udaltzaingoak neurri bereziak ezarriko ditu trafikoari dagokionez, bai lasterketa-egunaren bezperan bai abuztuaren 2an bertan.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun