Ia 4.000 ikaslek hartu dute parte Adikzioen Prebentzio Programan

Getxoko Udalak adierazi duenez, 2019/2020 ikasturtean Haur eta Lehen Hezkuntzako 3.899 ikaslek hartu dute parte Adikzioen prebentzio programan. Horrek esan gura du parte-hartzea handitu egin dela aurreko urteakaz konparatuta. Teknologia berrien eragina, harreman afektibo-sexualak eta kalamu-kontsumoaren arriskuak izan dira landutako arloetako batzuk. 

Iragarri dutenez, datorren ikasturtean ohiko helburuei eutsiko die programak: "Gaitasun pertsonal positiboak eskuratzen laguntzea (autoerregulazio emozionala, balioak), substantzien erabilera desegokiaren aurrean arriskuak prebenitzen eta murrizten laguntzea, eta teknologia berrien erabilera arduratsua sustatzea, beti ere, edukiera murriztuz eta beharrezko osasun-neurriak hartuz".

Hain zuzen, Getxoko zortzi ikastetxetan Bigarren Hezkuntzako eta Batxilergoko 114 ikasgelatako 2.556 ikaslek aukera izan dute droga-mendekotasunen prebentzioari, alkoholaren eta drogen arriskuari, apustuei, on line jokoari, sare sozialen erabilera egokiari eta abarri buruzko tailerretan parte hartzeko. Bereziki aipatzekoa da Osakidetzagaz batera kalamuaren kontsumoaren arriskuez egindako sentsibilizazio-lana, osasun mentalagaz lotutako arrisku-pertzepzioa areagotuz bestak beste.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun