Abuztuaren 1ean eta 8an euskararen erabilera areagotzeko asmoz, Euskaraldiak ariketa bana egingo du Algortan eta Itzubaltzeta/Romon, hurrenez hurren. Auzo bietan egingo dituzte ekimenok eta udalerriko Ahobiziak, Belarriprestak, Irribiziak eta Ariguneak (entitateak) izango dira protagonista nagusiak.
Ariketak egiteko egunetan, Euskaraldiko txapa soinean janzteko eta ariketa egiteko gonbidapena egin du Getxoko Euskaraldiak.
Antolatzaileek zabaldu dutenez, "euskara GEHIAGO, GEHIAGOTAN eta GEHIAGOREKIN egingo dugu".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!