Alangoko BOEetako 15 trastelekutan indarrez sartu dira

Juan Bautista Uribarriko aparkalekuak barrutik. © GETXOKO UDALA

Joan den uztailaren 22ko goizaldean, hainbat ezezagunek Algortako Juan Bautista Uribarri kaleko 2 zenbakiko garajeetara sartu eta bertan dauden 15 trasteleku indarrez ireki zituztela jakinarazi dute Getxoko udal-iturriek. Denera, Udaltzaingoak 13 salaketa jaso ditu; 8 ebatsi egin dietelakoan. Horrez gainera, salaketa horietako batek ere aipatu du ibilgailu-lapurreta bat egon dela.

Hainbat ezezagunek Algortako Juan Bautista Uribarri kaleko 2 zenbakiko garajeetara sartu ziren joan den uztailaren 22ko goizaldean. Bertan zeudela, gutxienez, 15 trasteleku indarrez bortxatu (sarrailak apurtu eta ateak ireki) zituzten. Denera, Getxoko Udaltzaingoak jazoera horri lotutako 13 salaketa jaso ditu; horietatik, 8tan lapurreta egin dietela azaltzen da. Horrez gainera, salatzaileetako batek aipatu du ibilgailua lapurtu diotela. Ertzaintzak ere hainbat salaketa jaso ditu; hala ere, oraindino ez dute zehaztu zenbat diren. Lapurreten nondik norakoak zehazteko ikerketa abian da orain.

Ez da lehenengo aldia Alango inguruko Babes Ofizialeko Etxebizitza horietan lapurretak jazotzen direnak. Getxoko udal-iturriek azaldu dutenez, 2020an zehar beste hainbat salaketa jarri dituzte Juan Bautista Uribarri kaleko 2-4-6 eta 8 zenbakiko auzokideek. Horrez gainera, 2019an ibilgailuetan lapurreta egiteagatik 5 salaketa jarri ziren eta beste bi trastelekuetan lapurtzeagatik.

 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun