COVID-19ak eragindako krisiari aurre egiteko udalerriko establezimenduak mantentzeko ezohiko laguntzen ebazpena argitaratu du Getxoko Udalak. Denera, 1.085 eskaera jaso dira eta 1.024 onartu dituzte.
Getxoko Udalak 1,5 milioi euro banatu dira udalerriko 1.024 pertsona autonomoren eta mikroenpresen artean. Sektoreka, gehienak zerbitzu-enpresak (500), saltokiak (301), ostalaritza (210) eta turismo-zerbitzuen enpresak (13) dira.
1.085 eskaera jaso dira eta, horiek aztertu ondoren, 1.024 diru-laguntza eman dira, 49 ukatu, 8 atzera egin eta 4 ez dira onartu epez kanpo aurkezteagatik.
Laguntzei buruzko informazio eta xehetasun gehiago hemen: https://www.getxo.eus/eu/getxolan/noticias/487
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!