Halaber, Bizkaia Zubiko plazan dauden komun publikoak birgaitzeko proiektua onartu dute. Lan horiek egiteko lizitazio-aurrekontua 145.939 eurokoa da eta gauzatzeko epea hiru hilabetekoa izango da. Lanak urriaren bigarren hamabostaldian hasiko dira. Obra horiek iaz lizitatu ziren baina gauzatu gabe geratu ziren, esleipendunak kontratua gauzatzeari uko egin ziolako.
Udaletxearen inguruko balaustradak berreraikitzeko proiektua onartu du gobernu-taldeak (EAJ-PSE), 210.690 euroko lizitazioagaz. Azaldu dutenez, lanok 1925ean egindako jatorrizko proiektuaren diseinuari jarraituko diote, estilo neoklasikoko eraikinaren estetika eta estilo arkitektonikoa eta ingurunea errespetatzeko. Beharrok urriaren bigarren hamabostaldian hasiko dira eta, aurreikuspenen arabera, sei hilabeteko epea izango dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun