Euskal Herria Kirola webguneak zabaldu duenez, Oier Iturralde Atano izan da garailea Transpyrenees lasterketa gogorrean. Egun bi, 18 ordu eta 56 minutu erabili ditu Itzubaltzetakoak, 1.000 kilometroko ibilbide ofiziala egiteko, 40 mendate igota. Azkenekoa Jaizkibel izan da, Gipuzkoan.
Mediterraneotik Kantauri itsasoraino bidea egiten du lasterketak, eta Pirinioetako hainbat mendate ezagunetik igarotzen da. Non-stop proba bat da, hau da, txirrindulariak abiatzen diren momentutik erlojua ez da behin ere gelditzen, helmugara ailegatu arte. Horrenbestez, parte-hartzaile bakoitzak antolatu behar du estrategia, atsedenaldietarako, jateko eta lo egiteko noiz gelditu erabakitzeko.
Asistentziarik gabeko proba da Transpyrenees. Txirrindulariek aukera dute bidean aurkitzen dituzten hotel, kanpin edo antzekoetan lo egiteko, baina aldez aurretik erreserba egin barik. Normalean, vivac egiteko zakua eroaten dute, gauren batean lo egiteko lekurik topatzen ez badute erabili ahal izateko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
