Ikasturte berriari hasiera emateko Ez, eskerrik asko. Gladysen leihoa dokumentala proiektatuko dute irailaren 16an, eguaztenean, Algortako Azebarri kulturgunean. Proiekzioa 19:00etan hasiko da, eta sarrera doakoa izango da. Ondoren, dokumentalaren egileakaz solasaldia egingo dute.
Sinopsia:
80ko hamarkada hasieran mugimendu antinuklearra puri-purian zegoen nazioartean, eta baita Euskal Herrian ere. Kostaldean eraikitzear ziren hiru zentralez gain (Lemoiz, Ea-Ispaster eta Deba), Arguedasen laugarren bat egiteko asmoa zegoen. Horren aurka protestatzeko, mobilizazioak antolatu ziren Tuteran. Gladys del Estal Ferreño Tuterara joan zen, baina ez zen itzuli. Manifestazio baketsu hartan, Guardia Zibil baten tiroak hil zuen. Film honek, Gladysen gertakariaren harira, garaiko gizartearen onespena lortu zuen mugimendu sozialaren erretratu bat egin nahi du.