Zaintzaileentzako tailerretarako izen-ematea zabaldu du Getxoko Udalak

Gaurtik, irailaren 10etik, hilaren 25era bitartean zabalik egongo da Getxoko Udalak 2020/2021 ikasturterako mendekotasun egoeran dauden etxekoentzat antolatutako doako tailerretan izena emateko epea. Taldeak mugatuak izango dira, gehienez 10 pertsonakoak, eta egungo osasun-egoera dela eta, behar izanez gero, kurtsoen baldintzak aldatu edo bertan behera utzi ahal izango dira.

Urritik ekainera bitartean hurrengo programak eskainiko dira, ordutegi eta udalerriko auzo desberdinetan:

  • Taldeko laguntza psikologikoa.
  • Erlaxazioa.
  • Interbentzio duala.
  • Estimulazio kognitiboa.

Izen-ematea 683 193 092 telefono zenbakiaren bitartez egin beharko da.

Informazio gehiago www.getxo.eus udal webgunean kontsulta daiteke.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun