Uribe Kostako autobus-lineen aurreproiektua garatzen ari da egunotan Bizkaiko Foru Aldundia. Horren harira, Getxoko EH Bilduk gogoratu du alegazioak aurkezteko epea irailaren 19an amaituko dela; hala, herritarrei euren ekarpenak eta iritziak jasotzeko kanpaina jarri du martxan koalizio abertzaleak, ondoren alegaziook Batzar Nagusietan aurkezteko.
Getxoko EH Bilduk jakinarazi duenez, udalerriari dagozkion eta aztertzen ari diren lineak honakoak dira:
- A3411 Bilbo - Azkorri
- A3414 Bilbo - Getxo (tuneletatik)
- A3422 Areeta - Berango
- A3451 Areeta - Armintza
- A3471 Getxo - Gurutzeta
- A3472 Areeta - Gurutzeta
Aurreproiektua aztertzen ari direla eta, ibilbideetan aldaketak egiteko, maiztasunak areagotzeko zein ordutegiak aldatzeko herritarren proposamenak jaso gura ditu Getxoko EH Bilduk, ondoren alegazio horiek Bizkaiko Batzar Nagusietan aurkeztu ahal izateko. Ekarpenak getxo@ehbildu.eus helbidera edo 665 73 24 91 zenbakira bidali ahalko dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
