Bolueko hezegunetik Ginkana 2.0 autogidatua + Haritz eta bere lagunak

6 urtetik gorakoentzat.

Beharrezkoa da izena ematea eta baieztapena jasotzea: 688 883 596.

Ginkana 2.0 autogidatuarekin familiek eta lagun taldeek hezegunea ezagutzeko aukera aparta izango dute kanpoan egiten diren joko eta ekintza desberdinen bitartez. Parte hartzaileak proposatutako puntuetan gelditu beharko dira eta horietako bakoitzean froga bat burutu. Jarduerak 2 ordu irauten du.

"Haritz eta bere lagunak" gure inguruko zuhaitz espezie desberdinak identifikatzen ikasteko 6-14 urte bitarteko umeei zuzendutako jarduera da. Jarduera honen hasieran, bideo labur batean, Haritz zuhaitz zaharrak basoei buruz hitz egingo du eta bere lagunak ezagutzera animatuko ditu parte hartzaileak. Ondoren, zuhaitzen hostoei eta beste ezaugarri batzuei buruzko pistak emango dira eta parte hartzaileek Ingurumen Areto Inguruan dagoen Arboretumean espezie hauek aurkitu beharko dituzte.