COVID-19aren ondorioz martxoan itxi eta gero, bihar, eguenean, irekiko dituzte berriro ere publikoarentzat Gobelako igerilekuak. Instalaziook erabiltzeko, Faduran bezala, erreserba egin beharko da aurretik. Jende-kopurua % 40ra mugatuko da, osasun-neurriak bermatu ahal izateko.
Igeri egiteko erreserbak egunean ordubetekoak izango dira, eta jada egin daitezke Getxo Kirolaken webgunearen bitartez. Igerilekua erabiltzeko eskaeran, 25 metrokoa eta askak bereizi dira; beraz, interesatuek zein erabili nahi duten zehaztu beharko dute. Gainera, gogoratu behar da, edukieraren muga kontuan hartuta, erreserba horiek soilik Getxo Kirolakeko abonatuek egin ahal izango dituztela.
Fadurako barruko igerilekuak ere abonatuek erabili ahal izango dituzte aste-akabu honetatik aurrera, erreserbatzeko sistema berberarekin. Asteko gainerako egunetan zehar 50 metroko igerilekua erabili ahal izango da.
Fadurako zein Gobelako igerilekuak irekita egongo dira 7:30etik 21:30era bitartean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
