Aurtengoan, Muxikebarrin antolatuko du Algortako Bertso Eskolak urteroko Hitzaren Dantza hitzordua, jaialdi-formatuan. Bertsolariak Itxaso Paya, Xabat Illarregi eta Aitor Mendiluze izango dira, eta eurakaz batera jardungo dute hainbat dantzari eta musikarik, 19:00etatik aurrera.
Hain zuzen ere, Mixel Etxekopar kantari, bertsolari eta txirulari zuberotarra, Miren eta Roberto Etxebarria musikariak (Erreskan taldeagaz batera), eta Nagore de las Cuevas eta Arkaitz Pascuas dantzariak egongo dira oholtzaren gainean bertsolariei laguntzen.
Gonbidapena lortzeko hitzarendantza@gmail.com helbidera idatzi beharra dago, izen-abizenak eta gonbidapen-kopurua adieraziz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!