Antolaketa-eredu berriei buruzko hausnarketa proposatuko dute Berrikuntza eta Kulturari buruzko VI. Jardunaldiek

Romo Kultur Etxetik grabatutako saioak emitituko dituzte online bidez. © KARRASKAN

"Sustraiak eta kimuak" izena dute Karraskanek antolatu dituen Berrikuntza eta Kulturari buruzko VI. Jardunaldiek. Urriaren 15ean eta 16an egingo dira horiek, kultura- eta sorkuntza-eragileei zuzenduta. Aurtengo ekimenak online formatua izango du, baina egoitza nagusia Romo Kultur Etxean egongo da. Handik, saio bana eskainiko dute egun bietan, 16:30etik aurrera.

Karraskan Euskadiko kultura-berrikuntza eta berrikuntzaren kultura sustatzeko elkarte profesionala da. Kultura- eta sorkuntza-eragileei zuzendutako hitzordu hori  eta sektoreko ezagutza kudeatzeaz, sistematizatzeaz eta belaunaldien arteko lankidetza balioesteaz arduratuko da, baita genero-kontuetan ere. Hala, hitzorduan, gazteei garapenerako tapoirik jartzen ez dieten eta harreman- eta garapen-esparru berriak eta abar eskaintzen dituzten antolaketa-eredu berriak lantzeko aurkezten diren aldaketa-aukerei buruz hausnartuko da. 

Egitaraua

“Sustraiak eta kimuak” ekimenak online formatua izango du, baina egoitza nagusia Romo Kultur Etxean izango du. Handik, telebista-platoaren antzera, bi saio egingo dira hilaren 15ean eta 16an, 16:30etik aurrera. Zuzeneko bideokonferentziek eta elkarrizketek osatuko dute programa, baita esperientzien lekukotzak dituzten ikus-entzunezko piezek ere. Saio hori osatzeko, parte-hartzaileek txataren eta sare sozialen bidez egiten dituzten ekarpenak bilduko dira.

Javier Martínezek, erakundeetako ezagutzaren kudeaketan aditua, zabalduko du jardunaldia hilaren 15ean; eta Eva Salaberria, Javier Anós eta Jorge Fernández León kudeatzaileek elkarregaz hausnartuko dute hilaren 16rako aurreikusitako elkarrizketan. Parte-hartze horiez eta bi jardunaldietan emango diren esperientziez gain, hilaren 16an, 18:30etik 19:30era, networking espazio bat egingo da kultura- eta sorkuntza-eragileentzat.

Parte-hartzea doakoa da, baina aldez aurretik izena eman behar da (baita networking saiorako ere). Programa osoa eta izen-ematea: https://bit.ly/3iuafcc

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun