Egitasmo horren helburua da irudiari buruzko informazioa lortzea, era horretan, udalerriko memoria historikoa aberastea. Getxo Lagunkoia programaren barruko doako tailerraren hurrengo saioak azaroaren 11n eta abenduaren 16an izango dira, 17:30etik 18:30era. Interesatuek aldez aurretik izena eman beharko dute 944 66 00 22 telefono zenbakian.
Datorren eguaztenean, hilaren 21ean, martxan jarriko dute berriro ere "Kontatu erretratu hau" izeneko tailerra Romo Kultur Etxean, Getxoko Udalak 60 urtetik gorakoentzat antolatutako jardueren egitarauaren barruan. Saio horietan, udal-liburutegiko artxiboko irudi zaharrak proiektatuko dira eta parte hartzaileek horien inguruan dakiten dena azaldu beharko dute, hala nola zein egunetan ateratakoa den argazkia, nortzuk agertzen diren, non den eta zergatik egin den argazkia, besteak beste.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun