Artistaren kontratazio bulegoak horren berri eman zuen atzo, eta Getxoko saioaz gain, Espainiako birako gainerako kontzertuak ere bertan behera geratu dira, azken egunetako osasun-egoeraren gaizkiagotzea dela eta. Halaber, bulegotik jakinarazi dutenez, momentuz ezin da bira berri bat programatzeko datak zehaztu.
Ikuskizunerako sarrerak txartelaz erosi dituztenei laster itzuliko zaie dirua ezer ere egin gabe. Eskudiruz ordaindu dutenak Muxikebarriko txarteldegira joan beharko dira urriaren 26tik aurrera dirua eskatzeko. Txarteldegia zabalik egongo da astelehenetik barikura honako ordutegi honetan: 10:00-13:00 eta 17:30-19:30.