Eguaztenean, hilaren 28an, Impromptu bikote getxoztarrak Chopin eta pianoa musika-ikuskizuna eskainiko du Areetako Andres Isasi musika eskolan, 19:30ean. Kontzerturako sarreraren prezioa 5 eurokoa izango da.
Errezitaldian, José Manuel Cacho biolinistak eta Víctor Jiménez pianistak osatutako bikotea Federico Chopinen bizitzan eta musikan murgilduko da, “XIX. mendearen zati handi batean Europako artearen protagonista eta mugimendu erromantikoaren konpositore adierazgarrienetakoa”.
Besteak beste, poloniar egilearen polonesak, mazurkak, balsak eta sonata ezagunenak interpretatuko dituzte.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!