“Getxoko Udaletik azpimarratu nahi dugu beharrezkoa dela guztion erantzunkidetasuna eta lankidetza, gure udalerrian COVID19k eraginda dauden pertsonen datuen aurrean”, esan du Amaia Agirre alkateak. “Getxoko kutsatze-datuek gora egin dute berriro azken egunotan, eta, beraz, berriro ere azpimarratu behar dugu Eusko Jaurlaritzak eta Euskadiko osasun arloko agintariek emandako neurriak betetzearen garrantzia”.
Gogoratu duenez, herritar guztiek ezagutzen dituzten neurriak honako hauek dira:
- Maskara nahitaez erabiltzea
- Eskuen higienea zorroztea
- Behar den distantzia soziala mantentzea
- Gehienez 6 pertsonatara murriztea familia- eta aisialdi-topaketak
- Pilaketak saihestea
Amaia Agirrek azpimarratu duenez, "oso garrantzitsua da sektore, adin eta ingurune guztietan harreman sozialak murriztea. Egun zehatz hauetan, igandean Santu Guztien Egunean Getxoko hilerrira joango direnen laguntza ere eskatzen dugu. Aste honetan, hilerriaren ordutegia 09:00etatik 20:00etara luzatu dute, bertaratzea mailakatua izan dadin, eta Udaltzaingoak sarbideak antolatu eta edukierak kontrolatuko ditu. Ezinbestekoak dira getxotarren onura kolektiboarekiko lankidetza eta erantzukizun indibiduala, COVIDen kutsatzeari aurre egiteko”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun