Koronabirusa Uribe Kostan

Datozen ikuskizunetarako sarreren dirua bueltatuko die Kultur Etxeak Getxon edo ondoko udalerrietan bizi ez direnei

Osasun egoeraren larritzearen ondorioz, gainera, azaroaren 7rako aurreikusita zegoen Ute Lemper abeslariaren kontzertua bertan behera geratu da. Azaroaren 6an Zine-Kluba zikloan programatuta zegoen Vida oculta filmaren proiekzioa ere bertan behera utzi da eta baita abenduaren 8ko Txiki Kanta haur abesbatzen jaialdia ere.

Eusko Jaurlaritzak ezarritako osasun-neurriek Getxon edo ondoko beste udalerrietan bizi ez diren pertsonei eragotzi eragingo diete azaroaren 10era arte Getxon izango diren kultura ekitaldietara etortzea. Hori dela eta, Getxoko Kultur Etxeak ikuskizun horietarako sarreren dirua itzuliko die Getxon, Berangon, Leioan, Erandion, Sopelan edo Portugaleten bizi ez diren lagunei.

Mugikortasun murrizketek pertsona horientzat eragina izango dute urriaren 31n ospatuko den ¡Recuérdame! El tributo a Coco musikalean eta baita azaroaren 1erako programatuta dagoen Cuarteto Quiroga taldearen kontzertuan. Saio horietarako sarrerak txartelaz erosi dituztenek ikuskizunaren aurreko egunera arte eskatu dezakete itzulketa 94 466 01 23 telefono zenbakia edota sarreraitzulketa@getxo.eus e-mailaren bitartez. Eskudiruz ordaindu dutenak Muxikebarriko txarteldegira joan beharko dira dirua eskatzeko, udalen bitarteko mugikortasun murrizketa amaitu eta gero. Txarteldegia zabalik egongo da astelehenetik barikura honako ordutegi honetan: 10:00-13:00 / 17:30-19:30. Itzulitako sarrerak berriro ere salgai egongo dira.

Halaber, osasun egoeraren larritzearen ondorioz, azaroaren 7rako aurreikusita zegoen Ute Lemper abeslariaren kontzertua bertan behera geratu da. Artistaren kontratazio bulegotik jakinarazi dute Getxoko saioa bertan behera utzi beharra, Europako biraren beste kontzertu batzuekaz batera. Sarreren diru-itzulketari dagokionez, txartelaz erosi dituztenei ezer egin gabe itzuliko zaie dirua. Eskudiruz ordaindu dutenak Muxikebarriko txarteldegira joan beharko dira azaroaren 2tik aurrera dirua eskatzeko. Getxon edo ondoko udalerrietan bizi ez diren erosleen kasuan, mugikortasun murrizketa amaitu eta gero joan ahal izango dira.

Beste ekitaldi batzuk

Abian jarritako azken osasun neurriek beste ekitaldi batzuetan ere eragina izango dute. Horrela, azaroaren 6an Zine-Kluba zikloan programatuta zeogen Vida oculta filmaren proiekzioa bertan behera utzi da, baita abenduaren 8ko Txiki Kanta haur abesbatzen jaialdia ere.

Aretoen lagapenen atzerapena

Getxoko Kultur Etxeak iragarria zuen Algorta eta Romoko eremuen lagapenei ekingo zioela azaroaren 1etik aurrera, baina indarrean sartu berri diren arauetara egokitzeko lanaren ondorioz, astebete atzeratuko du aurreikusitako data. Lagapenak, beraz, azaroaren 9an hasiko dira, astelehenagaz.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun