Getxon, gainerako administrazio publikoakaz lankidetzan, birusaren hedapenaren aurkako borroka lehenetsiko da, "inor atzean gera ez dadin; oinarrizko zerbitzuen mantentze-lanak babestuko dira eta, beharrezkoa izanez gero, premiazko antolaketa-neurriak hartuko dira". Ignacio Uriarte Kontu-hartzailetza, Diruzaintza, Langileria eta Antolaketako zinegotziak adierazi duenez, “aztertu dugu noraino mantendu daitekeen pandemia aurreko aurrekontu-exekuzioa diru-sarrera gutxiagorekin, eta, aldi berean, hainbat aukera eta finantzaketa-bide aztertu ditugu”.
Kudeaketa lehenestea eta optimizatzea
2021erako udal aurrekontuak lehentasuna emango dio Giza Garapen Iraunkorrari:
- Gizarte-agendan: Gizarte-Zerbitzuak, Etxebizitza, Zahartze Aktiboa, Kirola eta kultura-proiektuak.
- Agenda ekonomikoan: HAPO berria onartzea, Udaleko Modernizazio Teknologikorako Plana gauzatzea eta udalerriko sare ekonomikoari laguntzea.
- Ingurumen-agendan: hondakinen kudeaketa, jasangarritasun energetikoa eta hiri-mugikortasun iraunkorreko plana gauzatzea.
Aurrekontu parte-hartzaileak aurrekontu orokorrean sartuko dira oso-osorik; aurreikusitako inbertsioak aurrekontuan zuzkituko dira eta Udalaren zor berriagaz babestuko dira, gehienez, 6.000.000 euroko mugagaz eta udal-tasak eta zergak izoztu egingo dira, herritarrei presio fiskala ez areagotzeko. Diru-laguntzei dagokienez, irizpide orokorra da horiek mantentzea eta babestea, bereziki udalerriko gizarte- eta elkarte-sarearen ohiko jarduerari eustera bideratutakoak. Hala ere, ez dira hornituko urteko lehen lauhilekoan kalean ekitaldiak egiten laguntzera bideratutakoak, pandemiaren aurkako borrokan osasun-prebentzioko neurriak laguntzeko helburuaz.
Kudeaketaren optimizazioari dagokionez, Ignacio Uriartek gogorarazi duenez, "egungo egoeran, inoiz baino gehiago, ezinbestekoa dela udal zerbitzuak optimizatzeko ahalegina azpimarratzea. Eraginkortasun handiagoa, efizienteagoak eta eraginkorragoak bilatzea gobernu-talde honen konpromiso etengabe eta saihestezina da, eta udal-kudeaketaren zeharkako helburu nagusia izan behar du". Ildo horretan, besteak beste, gertatzen diren ez-exekuzioak Kontu-hartzailetza Arlotik atxikiko dira, diru-sarreren murrizketa potentziala eta pandemiaren eta haren ondorio sozioekonomikoen aurkako borrokari lotutako ezohiko gastuak babesteko balizko beharra finantzatzeko, eta gastu arruntean eraginkortasuna sortzen duten inbertsioei emango zaie lehentasuna.